Búgin Almatyda áýejaı qyzmetkerin kepilge alǵan er adamǵa qatysty sot otyrysy ótti, dep jazady Egemen.kz.
Jábirlenýshi Botagóz Muhtarova sol kúni tekserý qyzmetiniń ınspektory retinde jumysqa shyqqan.
Al tekserý beketine kelgen aıyptalýshy M.Baratovtan jeke kýáligi men ushaqqa otyrǵyzý talonyn suraǵanda, ol «úsh mınýttan soń áýejaıdy jaryp jiberemin» dep qorqytqanyn aıtty.
О́ziniń jedel áreketimen áýejaı qyzmetkerin qutqarǵan Musa Ábdiraıym da oqıǵany jiti baıandap berdi.
M.Baratov pyshaqty alyp shyqqanyn moıyndady. Dese de ol «áýejaıdy jaryp jiberemin» degen sózin nelikten aıtqanyn túsindire almady. Ol sońǵy sózinde kinásin moıyndap, jábirlenýshilerden keshirim suraǵan.
Prokýror Almas Bertaev sottalýshynyń kinási jábirlenýshiler men kýágerlerdiń aıǵaqtary, sondaı-aq beınejazbalar arqyly tolyq dáleldengenin baıandap, oǵan myna merzimge jaza taǵaıyndaýdy surady:
«Kepilge alý» baby boıynsha — 8 jyl;«Qarý qoldaný arqyly buzaqylyq» baby boıynsha — 4 jyl 8 aı;«Terrorıstik akt týraly kórineý jalǵan aqparat taratý» baby boıynsha — 2 jyl 6 aı;Jazalardy jınaqtap, aqyrǵy jaza retinde 10 jyl 6 aı bas bostandyǵynan aıyrýdy usyndy.
Sot úkimi 16 shilde kúni saǵat 16:00-de jarııalandy.